Рубрики

Новость часа

Зульфия ХIажиева

Автор Зульфия ХIажиева

Июль 02, 2014
Имам Шамилги гьереси-мугьрабиги

Миллион гъурщил багьаги ч1езабун, имам Шамилил рукIарал мугьру ч1валел баргъичал абун лъабго баргъичалъул сурат буго дагъистанияз интернеталдасанги телефоназдасанги тIибитIизабулеб. Амма имамас мугьру чIвалеб букIараб цониги баргъич яги цогидаб тIагIел лъихъниги гьечIо Дагъистаналда.
Июль 01, 2014
Украиналдаса лъутизе ккарал Дагъистаналда

Украиналдаса лъутизе ккаразул лъабабилеб къокъа къабул гьабуна Дагъистаналъ шамат къоялда. Донецк ва Луганск областаздаса 200-ялдасаги цIикIкIун чиясе чIезе бакI кьун буго Каспий ралъадал рагIалда ругел санаториязда. Видео бахъун буго «гьалбазе» бихьизабураб «Леззет» абураб санаториялда.
Июнь 30, 2014
Украиналдаса лъутарал рукlине ресал ратана

Украинаялдаса лъутун рачIарал гIадамал Дагъистаналда Каспий ралъдал рагIалда «Леззет», "Дельфин" ва "Золотые пески" абурал санаториязда чIезарун руго. Щунусидаса ворчIаравниги чи вуго гьезул. Аслияб куцалда гьел ккола Луганск ва Донецк икълимаздаса рачIарал гIурус миллаталъул чагIи. Гьелги гIемерисел лъималгун цадахъ лъутарал гIолохъанал хъизанал руго. Дагъистаналда гьединго рагьун руго Украинаялдаса лъутарал гIадамазе кумекалъе къайи данде гьабулел бакIалги.
Июнь 27, 2014
ЦIунтIадерил мажлисги биххана, бюджетги какана

26 июналда тIобитIараб Халкъияб Мажлисалъул сессиялда биххизабуна ЦIунтIа мухъалъул депутатазул мажлисги, какана бюджет гIуцIиялъул хIалтIиги, бицана пачалихъалъул гIарцуе гьабураб хIилла-макруялъулги.
Июнь 25, 2014
Ярагъиясул къватI бацIцIад гьабуна валютачагIаздаса

25 июналъул радакьего байбихьана МахIачхъалаялда Ярагъиясул къотIнор лъурал валюта хисулел бакIал риххизаризе.
Июнь 24, 2014
Адвокаталдаса инкар гьабизабулеб буго

24 июналда Дагъистаналдаса адвокат Сапият МухIамадовалъ гIарза хъвана инсанасул ихтиярал цIунулеб «Мемориал» къокъаялде.
Июнь 21, 2014
Чияр рагIаби хIалтIизариялъухъ гIакIа - ЛДПРалъул инициатива

ГIурус рагIабазул бакIалда къватIисел пачалихъазул мацIазул рагIи хIалтIизабурав чиясда тIад гIакIа къотIизе рес букIине буго, нагагьлъун Пачалихъияб думаялъ Либералиябгун демократияб партиялъул депутатазул инициатива гIадахъ босун къанун къабул гьабуни. Гьеб букIине бугин гIантаб къанунин ва гIумруялде бахъинабизе цIакъ захматаб масъалайин рикIкIунеб буго гIалимчагIаз, лингвистаз.
Июнь 20, 2014
Вэб-контроль - экстремизмалде данде

Исана ункъабилеб квартал рагIалде щвелалде хIадурун бахъине ккола экстремизмалде дандечIезелъун гIуцIараб хасаб стратегия.
Июнь 18, 2014
Гьардухъаби рашуларо «Горзеленхозалъул» хIалтIуда

18 июналда МахIачхъалаялъул администрациялда гьоркьоб лъун букIана гьардухъабазул суал. Гьел ккола аслияб куцалда Гьоркьохъеб Азиялдасаги Азербайжаналдасаги рачIарал гьардухъаби.
Июнь 17, 2014
МахIачхъалаялъул депутатаз нухмалъулев вищана

17 июналда МахIачхъала шагьаралъул депутатазул мажлисалъул нухмалъиялде вищана Ибрагьимов ГIабдулмуъмин.
Июнь 13, 2014
ХIарибгабурлъухъ гIазу бана

13 июналда Гумбет мухъалда, ХIариб габурлъухъ бан буго гIазу. ЦIунтIа чваххунцIцIадаз хвезарун руго шагьранухал, кьоял. Унсоколо мухъалъул щуябго росулъе бана кутакаб горо-цIад.
Июнь 12, 2014
Дагъистаниязда лъалареб Россиялъул байрам

12 июналда Дагъистаналда кIодо гьабуна Россиялъул къо. Амма киназдаго гуро лъалеб батараб гьелъул магIна яги битIараб цIар. Гьединго жибго Дагъистанги, республикаялъул бетIерас абухъе, жакъасеб Россиялдаса батIа кIанцIун чIараб гIадин хутIун буго.
Июнь 11, 2014
Бугебги бичун бечелъизе бахъараб ахlи

900 млн гъурщил бакIалда 300 млн. гIанасеб гъурщиде бичана гьал къоязда "Дагъистаналъул авиалиниял" абураб гIуцIи. Гьелдаса моцIалъ цебехун 250-гIан млн. гъурщиде бичана МахIачхъалаялъул автовокзал. Бичизехъин буго Гъизляралъул коньяк гьабулеб заводги, "Газпромалъул" магIишатги. Гьелда бан цо-цояз гIайиб-гъвел гьабулеб буго республикаялъул нухмалъиялда. Руго гьел галаби ритIухъ гьарулел пикрабиги.
Июнь 10, 2014
Интернеталъе жаваб кьолищ бакIалъул газетаз?

10 июналда Дагъистаналъул басмаялъулгун информациялъул министрас Хунзахъ тIобитIана мугIрузул мухъазул газетазул, пресс-хъулухъазул ва сайтазул нухмалъулезулгун данделъи. Гьелдалъун гьесие къваригIун буго бакIалъул нухмалъиялъе информалатаздасан гьарулел бадирчIваязе, ва какдариязе нухал къазе. Бугищха бакIалъул газетазул интернеталъе дандечIей гьабизе бажариги къуватги?
Июнь 09, 2014
МахIачхъалаялъул аэропорталъул бетIергьан - Керимов

МахIачхъалаялъул аэропорт босун буго олигарх Сулейман Керимовас. Гьелъул аукцион гьабун буго 6 июналда. Гьеб аэропорт босизе хIадурулезда гъорлъ рехсолел рукIана Дагъистаналдасаго вацал олигархал МухIамадовалги.
Июнь 07, 2014
Хъвай-хъвагIай гьечIел халкъазулги руго хазинаби

3 июналда миллияб политикаялъул министерлъиялде ракIарун рукIана хъвай-хъвагIай гьечIел мацIазул вакилзаби.
Июнь 06, 2014
РетIел яги лъай. КъваригIаралда гъоркь хIучч цIай!

Россиялъул президент Владимир Путиница гъулбасана школазда ретIунеб ратIлил хIакъалъулъ ТIолгороссиялъул халкъияб фронталъ хIадурараб къануналъул проект. Гьелъул рахъккуна Пачалихъияб Думаялъгун Федерациялъул мажлисалъги. МухIканго абуни, гьеб проект ккола лъай кьеялъул къануналъулъ гьарулел хиса-басиял.
Июнь 02, 2014
«СР»-алда Дагъистаналъул нухмалъуда жидерго чагIи рихьулел руго

2 июналда «Известия» газеталъ тIибитIизабуна бищун цебесеб кьерда ругел Россиялъул губернаторазул сияхI. «Бищун кIудияб рейтинг» абураб бутIаялде ккун вуго Дагъистаналъул нухмалъулев Рамазан ГIабдулатIипов. Россиялда вугев 80 губернаторасда гьоркьоб 21 абилеб бакIалда вуго гьев.
Май 31, 2014
Сасикьа ГIабдурахIим: «Къуръан магIида бан букIине рещтIун гьечIо»

Дагъистаналъул бусурбабазул рухIияб идараялъ гьукъун буго Къуръан батIияб мацIалде буссинабизе. Амма Сасикьа МухIамадил ГIабдурахIимил пикру батIияб буго.
Май 30, 2014
МугIрузул росаби чIунтиларедухъ

Гьал къоязда Дагъистаналде ракIарун рукIана Россиялъул регионаздаса батIи-батIиял гIалимзаби. Гьез дандбалеб букIана аслияб суал букIана мугIрузул мухъал чIунтичIого рукIиналъе щиб гьабизе кколеб абураб. Улкаялдасаго гIалимзабазги росдал магIишаталъул хIалтIухъабазги бицунеб букIана доба Алтаялдаги, Уралалдаги, Чачаналдаги, Дагъистаналдаги мугIрузул росаби кинаб хIалалда ругелали.

Загрузить еще

XS

SM

MD

LG