Монополиялда дандечIараб хъулухъалъ байбихьулеб буго Россиялде рачIине гьукъарал кванил нигIматазул багьабазул мониторинг гьабизе. Халкквезе рагIула гьел нигIматал опталъул къагIидаялда босулелдасаги цIикIкIун багьаялде ричулел ругищали, ратани жавабчилъиялде цIазе ругин гьелъие гIайибиялин лъазабулеб буго гьеб идараялъул вакилзабаз.
МахIачхъала шагьаралъул прокурорасул кумекчи Фарид Ханамировасда сверухъ цIех-рех байбихьун буго
Дагъистаналде вачIун вуго кIиго моцIалъ цебе Шималияб Кавказалъул рахъалъ Россиялда гIуцIараб министерлъиялъул нухмалъулев Лев Кузнецов.
12 августалда МахIачхъалаялда Миллияб библиотекаялде ракIарарал культураялъул хIалтIухъабаз гьоркьоб лъун букIана кватIичIого къабул гьабизесеб федералияб къанун. Гьеб ккола культураялда хурхун пачалихъалъ гьабулеб политикаялъул кьучIазул бицунеб къанун.
Исана Дагъистаналда хъвай-хъвагIай гьабулеб буго терроралда хурхараб 234 хIужаялъулги, экстремизмалда хурхараб 30 хIужаялъулги.
Дербент мухъалъул бетIер Къурбан Къурбанов азарханаялдаса къватIивеги виччан, жиндирго хъулухъалде ун вуго.
Дагъистаналъул прокуратураялъ республикаялъул бетIерасухъе хасаб кагъат хъван буго гьесул Администрациялда хIалтIулел чагIазда бан гIунгутIаби тIагIинареян.
Авариялдаса Кахетиялде бахъулеб нухлуда тIад 32 млрд-лде гIагарун гъурущ унин чIезабун буго «Дагавтодор» абураб гIуцIиялъ.
К1албиччанкъоялда цебе Дагъистаналъул нухмалъулев дандч1вана исламияб диналъул церехъабигун. Гьез бицана диналъулги, Дагъистаналда исламияб банкгун ц1ияб институт рагьизе ккеялъулги. Амма гьабсаг1аталда Дагъистаналда нахъбахъич1ого к1вар кьезе ккараб масъала бат1ияб бугинги бицунеб букIана гьениб. Кинабха бугеб гьеб масъала?
23 июлалда Дагъистаналъул нухмалъулев Рамазан ГIабдулатIиповас чIагояб эфиралдасан жавабал кьуна дагъистаниязул суалазе.
Россиялъул жанисел ишазул министерлъиялъул баяназда рекъон, Дагъистаналда ккун буго гьереси-гIарац гьабулел чагIазул къокъа. Аслияб куцалда гьез щуазарго гъурущ къотIулеб букIун буго. Абулеб буго гьелдаса щвараб хайир хIилла-чагIаз террористазе битIулеб букIун бугилан.
Гьал къоязда гIумруялдаса ятIалъарай Дагъистаналъул халкъияй артистка Муи ХIасанова юкъана МахIачхъалаялда. МугIалимлъун цIаларай гьей машгьурай кочIохъанлъун яхъиналъе сабаблъун ккун буго советияб заманалда Дагъистаналъул вукIарав нухмалъулев Даниялов ГIабдурахIманица гьей МахIачхъалаялде ахIи.
Гьал къоязда Дагъистаналъул нухмалъулес хисана МугIрузул мухъалда тарав жиндирго вакил. Ибрагьим Ибрагьимовги цойги хъулухъалде вачун, гьесул бакIалде тIамуна МухIамадхIажи ЗайнулгIабидов.
Лъай кьеялда хадуб халкколеб федералияб агентлъиялъ къалеб буго Дагъистаналдаса цIалул кIиго идара.
14 июлалда Буйнакскиялъул пенсиязул фондалъ хисана хIалтIулеб бакI. Цере гьел рукIана шагьаралъул хIамам букIараб минаялъур. Гьанже рахъинарулел руго хьухьарулеб фабрика букIараб минаялъуре.
Унсоколо мухъалдаса нахъе ана гьаб анкьалда гьениб тIобитIараб хасаб операциялъул къуватал. Амма гьенир гьанжеги хутIулел рагIула блок-постал. Официалияб лъазабиялда рекъон, къватияб операциялъул хIасилалда хвана Майданское росулъа экстремисталлъун рикIкIарав 7 чи ва цо ОМОНалъулав. Гьебго росулъ низам цIунулезул къуватазул хIалтIухъабаз кьвагьизабуна 7 мина ва мадрас. Гьениса рачIарал суратазда рихьизарун руго гьадамазул рукъзабазул чIватIелал.
9 июлалда лъагIел сверана Дагъистаналдаса журналист АхIмаднаби АхIмаднабиев чIваралдаса. Жегиги ратун гьечIо гьев чIварал чагIи. АхIмаднаби АхIмаднабиев чIвана 2013 соналъул 9 июлалда жиндирго рукъалъул кIалтIа. Гьелде щвелалде бащаб лъагIалица цебеги кьвагьдон рукIана гьесде гьебго бакIалда. Амма низам цIунулезги. Живго АхIмаднабиевасги гьеб хIужа цо цIакъго кIвар кьечIого тана.
Дагъистаналда пресс-хъулухъал хIалтIулел гьечIо Республикаялда батIи-батIиял министерлъабазда, бакIалъул администрациязда цере рагьарал пресс-хъулухъал хIалтIулел гьечIо. Гьез къватIибе кьолеб информацияги кутакалда бегIукъаб, хъарцинаб букIунеб буго.
Гьал къоязда МахIачхъалаялъул мэрасул ишал тIуразарулев Сулейманов МухIамадица жиндихъего ахIун рукIана тахшагьаралда ругелщинал школазулги ясли-ахазул нухмалъулел. Гьес гьезда лъазабуна гьез нухда рачунел идарабазда ришватчилъиялъул хIужаби тIатни, сундухъниги балагьичIого жинца нуж тамихIалде цIазе ругилан.
«Дун-президентасул кумекчи» абураб къокъаялдаса 20-гIан чи хамиз къоялда полициялде рачиналъ кIудияб ахIи-хIур багъарун букIана Дагъистаналъул блогосфераялда. Гьелъие гIиллалъун ккун буго жамгIиял бакIазда хъалиян цIазе гьукъараб Пачалихъияб Думаялъ дагьалъ цебе къабул гьабураб къануналда бан эксперимент тIобитIулаго полициялдаги гIолилаздаги гьоркьоб тунка-гIуси ккей. Гьезул чангояв азарханаялдеги ккун вуго. МухIканлъигун ХIажиева Зульфия.
Загрузить еще
